Sa akong pinakasuod nga higala

Sa dili paka mo basa sa akong suwat dunay mga pipila ka lisod nga pulong niini:

Kolehiyo - college
Dalag - yellow
silabon - instead
mapagarbohon - proud
makalisang - awful
--
Sa akong pinakasuod nga higala.....

kaming duha ni Pearl sa among pagtapos sa sekondarya (March 2010)

Dear Pearl,

Layo na gyod ang na abtan sa atong paghinigalaay. Nakahinumdom ka sa unang adlaw sa pagtungha? Nahimo kitang higala tungod kita ra ang nagsul-ob sa kutub nga uniporme sa tunghaan. Diha-diha nagkasinabot tau g nahimong sugod nga managhigala.

Wala gayod ta nag-away sa secondary bisan og daghan kog ginabuhat ug kanunay ko ginapatawag aron mo tambong sa mga kalihokan sa tunghaan. Nakahunahuna ko nga tingali og naanad nalang ka. Nakahandom ko sa atong mga buluhaton nga dunganon gayod og buhat labi na og manglaag tai nig Biyernes tungod nga wala may klase.

Karon nga anaa na kita sa kolehiyo, di nato ikalimod nag daghan na ug kausaban. Dili nata mosul-ob og dalag nga uniporme ug itom nga sapatos silabon kanang mga panul-ubon nga makapadayag kung kinsa kita.

Sa tinud-anay, mapagarbohon ko sa unsa na ka. Wala ko magdahom nga malagpot ka sa kalibutan sa management. Dili nako mahanduraw ang imong mga kalihokan iniining kursoha. Nahimo sab kang aktibo sa mga organisasyon sa tunghaan, usa sab ka butang nga di nimo gusto apan imo gihapon gi dawat.

Bisan og daghan na kita og gipanbuhat, duna’y parte nako nga gimingaw kanimo. Gimingaw ako sa mga panahon nga mangaon tag dungan inig paniudto. Dili na kita mangadto sa kasilyas aron mamulbos sa dili pa mag ala una sa hapon ug magsimasima inig human sa klase. Lisod dawaton nga nanagko na kita. Nagpangandam nako sa akong kaugmaon ug mao sab ang imo.

Usahay dili ko ka tuo nga kaniadto, mga gagmayeng babaye ra kita sa sekondarya nga ang mga buhok gi pangko og ponytail samtang ang mga nawong galubong sa mga libro nga nakapahilak kanato sa pipila ka gabii. Lisod man ang sekondarya, apan mas lisod ang kolehiyo.

Nalipay ko nga nakakita ka og mga higala nga anaa diha para kanimo niining panahona. Dili ko makabati og sala tungod kay daghan nako og buhaton kon makakita ko nga lipay ka sa imong mga bag-ong higala. May nalang nga bisan og wala ko pirme, duna’y mga tawo nga mi amoma kanimo ug naa sa imong kiliran.

Kon duna’y mga butang nga gusto nako isugyot kanimo, akong ilangkob sa tulo ka ponto:

Una: hinay-hinay lang sa imong kasing-kasing. Kahibalo ko nga dili pa kayo dugay ang inyong pagbuwag sa imong pinalangga kaniadto. Nalisang ko samtang nagtan-aw kanimo nga miagi sa kalisod. Apan, dili kini hinungdan nga kalimtan ang imong mga buluhaton ug ang mga panaghigala nga nagama sa susimang panahon sa relasyon. Sama sa gi ingon ni Ramon Bautista, “There’s more to life than love.”

Ikaduha: buhi sab usahay. Ayaw kaayo pahigot sa imong mga ginikanan. Kahibalo ko nga sila ang labing mahinungdanon nga mga tawo sa imong kinabuhi apan makaayo sab usahay kung mananghid ka kon mosugot sila nga mo laag uban imong mga higala kon dili nako ba. Ang pagkahadlok dili makatabang, makapasamot ra kini sa kahimtang.

Ikatulo: buhia ang imong kinabuhi. Mabuhi ra ka og kausa ug kon pirme raka mo sunod sa mga mando nga gihatag para nimo, samot ka nga mapakyas sa higayon nga makita ang kaanyag sa kinabuhi. Mao na, sulayi nga imong buhion imong kinabuhi nga mura og wala na’y kaugmaon nga mo abot. Dili man makadaot ang mo katawa og kusog ug higugmaon ang kaugalingon.

Ako ning gisugyot tanan tungod nga sa pito ka tuig nga na ilhan ko ikaw, mura ba og duna’y parte sa imo nga wala miusab. Ikaw gihapon ang inosenteng batang babaye nga nag apong sa iyang Papa ug Mama nga mo sugot sa mga gagmayng kalihokan nimo. Dako na ka nga babaye karon ug may kapangakohan sa tanang pabuot nga imong pagahimuon.

Hinaot unta nga sa dili madugay ang akong mga tambag imong mgadala sa imong kasingkasing ug kini mayo kanimo inig abot sa tukmang panahon.

Hibaloa nga gihugma tika sa kanunay bisan og dad-on ko sa kahanginan (ug karera) sa layong dapit.

Pag-amping!

Annie Fe